Top 50 job interview tips in urdu – guaranteed success

Top 50 job interview tips in urdu – guaranteed success

1. Interview men jany sy pehly aap jis jaga jaa rahay hen us office ki website zaroor visit karain kay company kis business me hai aur unki services kia kia hen. Un ki pori details search kr len.

2. Aap ko jo jo bhi baate office kay bary me maloom nahi hen woh aap interviewer(s) (jo sara manage kar rha hota he) say zaroor maloom karain.

3. Interview kay doran ziada pareshan hony aur ghabrany ki zarort nahi hai. Be relaxed aur chilled. Interview me jany say pehly aap interviewer say kis tarhan baat karain gay ya salam kre gy us ki practice aap apny kisi dost kay sath zaroor karlain.

4. Interview ky waqt ap ki presentation jis me aap ki dressing, aap ka hair style, aap kay shoes, aap kay nails etc bohat observe kiay jatain hen. In sab chezo ka pahly hi proper setup kar len.

5. Interview kiay liay hamesha time ka khiaal zaroor rakhen aur interview kis waqt par hai or is say distance, traffic aur interview ki jaga ka talaash karnain ka margin rakh kar ghar say dua kar ky niklain.

6. Interview me jany say pehlay aap agar jis jaga jaa rahen hen us jaga agar aap ka koi relative ya dost hai to uska complete name aur office me uski designation aap ko pata honi chahiay takay aap us ke reference interviewer ko day saken. Agar ni no koi problem nhi ap bas relax rahy sab kuch behtar ho jae ga.

7. Interview me jany say pehly aap agar ye maloom kar lain kia aap nay kis date aur kis din job ke liay apply kia tha tuh yeh interviewer par nice impression hoga.

8. Interview me jany say pehly aap apny kisi dost say jo job kar raha ho yeh maloom kar lain kay interviews me common questions kon kon say hotay hen.

9. Interview me jany say pehly aap jis bhi post kay liay ja rahe hen uskay bary men aap ko complete information honi bohat zarori hai.

10. Interview me jany say pehly company ka complete address aap ko maloom hona zarori hai iskay liay aap company ki surrounding me koi landmark place malom kar lain takay aap to pareshani na ho address findout karnay me.

11. Interview me jany say pehly ziada heavy khana yah tea ka istamaal na karain takay aap ko interview kay waqt laziness aur neend na aay. Ap ka mind fresh hona chaye.

12. Interview kay waqt interviewer say aap ka eye contact hona bohat zarori hai is liay sirf interviewer ko dekhen aur left right yah ooper practice na dekhen.

13. Interview me jany say pehly kuch common questions like apny bary men batain, hum aap ko hire kio karen etc ki practice aap ko pehly hi karni hogi takay aap ko interview kay waqt ziada sochna na pary.

14. Interview kay waqt aap ko apny previous experience aur job nature kay bary me complete information honi chaiay takay aap interviewer ko bata saken.

15. Interview kay waqt aap ko apny mind me aik expected salary rakhni hogi jo aap interviewer ko batain.

16. Interview me aap hamesha political aur religional baton say dor rahen.

17. Interview me hamesha apni body language aur apny sitting style ka khial rakhen.

18. Interview me hamesha chair par upright position men bethen aur ziada nechy ti taraf na bethen.

19. Interview me koi is tarha ki harkat na karen ke jo interviewer kay notice me aay jesy ke baloon me hath lagana, nakhno ko dekhna, nathno ko kathna, hont chabana etc.

20. Interviewer kay samny apni previous job kay bary me koi negative comments na dain is say aap ka image interviewer kay samnay kharab hoga.

21. Interview ya phir ksi bhi kam pe jane se pehly apny malik se contact zaroor kar lena jis ke pas sari kamyabia hen. Jaty hoty 2 ya 4 rakaat namaz salat al hajat parh kar dua kr jae In Sha Allah zaroor kamyabi mily gi. Apni taraf se to ap ne sab kuch kar lia baki us pe chor do.

22. Interview me koi is tarha ki baat na kare kia aap late sitting ki baat apny ghar walon say poch kar batain gay yeh interviewer par aap ka childish hoga zahir kary ga.

23. Interviwer kai samnay aap ko professional attitude rakhna hoga aur yeh zahir karna hoga kai aap apny decisions khud letyn hen.

24. Interview say pehly cigarrate yah paan na khaen takay ap kai mouth say smell na aay.

25. Interviewer kai paas jany pehly agar mumkin ho to apny aap ko kisi mirror men dekhlain aur bal dorust karlain.

26. Interview ke waqt ap kay pas apka current C.V hona zarori hai.

27. Interview kai waqt C.V ko hamesha kisi file yah envelop men rakh kar le jaen.

28. Interview men enter honay say pehly hamesha door par pehly knock karny ke baad andar jae.

29. Interview ke baad hamesha door close kar ke wapis aain.

30. Interview kai waqt aap ko apni voice tune na ziada high aur na ziada low rakhni cahiay.

31. Interviewer kay question ko pehly theek say sun-nay kay baad uska answer dain.

32. Interviewer kay question ko pehly complete honay dain phir uska answer dain, mid of the question men interrupt na kare.

33. Interviewer say uskay bary men ziada personal questions na karen.

34. Interview kay doran slang language yah “dost ya yaar” words ka istamal na karain.

35. Interview kay baad “THANK YOU/ NICE TO MEET YOU” words kay sath interview ka end karen.

36. Interview kai waqt aap kay paas aik pen aur paper ka hona zarori hai, takay aap interviewer kisi baat ka answer written me day sake.

37. Interview kai doran interviewer ke questions ko dehaan say sune aur bar bar question repeat karny ko na kahen.

38. Interviews me aik question bahot important hai “Why should we hire you?” iss ka answer aap yeh batain “Because my education and key strength matches with your current job vacancy.”

39. Interviews me aik question buhat important hai “aap nay apni previous job kio chori hai? iss ka answer aap ko honestly dena hoga aur aap ko apny previous employer ki koi burai nahi karni hogi.

40. Interviewers aksar aik question bahot pochty hen “aap apny aap ko 5 saal baad kaha dekhty hen?” iss kay liay aap ka jo bhi future plan ho apni educational aur professional life ko lay kar woh batain. Ya phir osi job k related bta den keh me apki company ko lead kr rha hon ga.

41. Interviews men kabhi bhi unshaved aur untidy baloon kay sath na jain. Proper personality bna kr jae jitna ho skta he. Ye na ho ke apny ap ko hi bnany me lage raho jo qudrat ne dia he usi ka shukar karna chahye.

42. Interviews kay timings ko aik bar say ziada change na kare ye aap kay unprofessional aur nonseriousness honay ka proof dain ge.

44. Interview men dressing aap mosam ke hisaab say kare, summer me light colors aur winter me dark colors interviewer par acha impressions den ge.

45. Interviewer kay samnay aap ko apny aap ko yeh nahi show karna chahye ke aap money minded hen aur aap nay previous job ziada salary kai liay resign ki hai.

46. Interviews kai doran aap apny har answer par completely confident honay chahye otherwise interviewer aap ko unconfident samjhy ga.

47. Interview say pehly aap ko “Current affairs and General topics” par information honi chahye takeh aap say agar interviewer general topics par kuch pochlay to aap answer kde sake.

48. Interview me apny academic record like aap ki GPA, academic major, coursework jo aap nay complete kiy hon us ke bary men completely confident honay chahye.

49. Interview me ziada heavy cologne ka istamal na kare. yeh interviewer par acha impression nahi deta.

50. Interview me aap kay clothes neatly pressed honay chaye. Shoes ap kay clean aur polished hony chahye.

 

Our akhir me ek tipp keh : Interviewer bhi hmari tarha aam insan he hota he bas thora lavel ziada hota he to ziada darne or impress hone ki zarorat nhi agr apho job milni hoi ap ki kismet hoa to Allah ke hukam se ap ko zaroor mily gi. Or sirf yehi job akhri nhi hazaro or jobs  bhi ati hen bas apny dil ko samjao or ziada mehnat karo kamyabi zaroor mily gi. In Sha Allah.

Agar apko job mil jati he to apny ap ko bara na samajh len apny se nechy walo ko bhi dekhy keh wo kesy zindgi guzaar rahe hen un ki healp kare or Maa Baap ki duae len. Maa Baap ki duao me hi sab kuch para he agr ham soche to.

 

To isi ke sath agar apko ye tips pasand ai hen to apny dosto or rishtedaro ke sath lazi share kre ta keh on ka bhi faida ho saky. Allah ham sab ko dunya or akhrat me kamyab kre or hamesha sehtmand or khosh rakhy. Ameen.

Spread the love
Subscribe
Notify of
guest
0 Comments
Inline Feedbacks
View all comments
0
Would love your thoughts, please comment.x
()
x